Vellukka kulturminneveke
Vanlegvis vert kulturminnedagen markert i heile landet på ein særskilt dato. I år vart det større aktivitet enn vanleg i Ål, så me valde å utvide markeringa til ei veke.
Målet med tiltaket er at innbyggjarane skal verta kjent med historia til sin eigen heimstad og gjennom dette å styrke felles identitetskjensle.
Ål kommune har i samarbeid med 15 frivillige lag, organisasjonar og einskildpersonar gjennomført sju arrangement i samband med kulturminneveka i 2012.
Artikkelen held fram under annonsen.
I år har tema vore møteplassar, og innbyggarar har møtst ved mjølkeramper og på kyrkjebakken. Ål skulepark og Leveld kunstnartun kan teikne til å verta gode, nye møteplassar i bygda vår.
Ål kommune ynskjer med dette å takke Ål turlag, 9 på topp i Torpo, grendelaget i Øvre-Ål, Leveld bygdekvinnelag, Leveld kunstnartun, Ål kranklag, Speidarane i Ål, Tretterud sport, Ål Røde Kors, Ungdom med MOT, kyrkjene i Ål og Torpo, Ål historielag, Ål bygdearkiv, Ål utvikling/ Ål turistinformasjon, Thor Warberg, Hans Petter Evensen og Bodil Haug.
