Både Anne Nørdsti og hemsedølen Øyvind Eikre er artistar som har gjesta Vårdansen mange gonger. Her opptrer dei på kyrkjekonserten i Herad kyrkje saman med bandet Vestnorge i 2010. (Arkivfoto)
Både Anne Nørdsti og hemsedølen Øyvind Eikre er artistar som har gjesta Vårdansen mange gonger. Her opptrer dei på kyrkjekonserten i Herad kyrkje saman med bandet Vestnorge i 2010. (Arkivfoto)

Svingande jubileum

Kristi himmelfart blir folketalet i Herad mangedobla. Gol campingsenter ventar storinnrykk når Vårdansen jubilerer.

Tor Folgerø
Publisert: 25.05.2014 00:00 Sist oppdatert: 16.02.2017 12:09

Campingvert Magne Hoftun begynner å få rutine.

Dette er tiande året han steller i stand til vårens høgdepunkt for campinggjestene. Sundag startar rigginga. Alt må vere klart til festivalen opnar med Anne Nørdsti onsdag kveld. Deretter held dei fram i swingtakt heile helga.

Artikkelen held fram under annonsen.

Lokale namn i Herad kyrkje

Både gjestene og mange av artistane kjem att, år etter år. Vestnorge, med hemsedølen Øyvind Eikre på vokal, spelar onsdag og fredag. Torsdag er Vestnorge «husband» under kyrkjekonserten for fjerde gong. I år har dei med seg to lokale gjesteartistar, Ingunn Granli og Malin Saue Johansen.

Også Ingemars, Dænsebændet og Anne Nørdsti har gjesta Vårdansen fleire gonger.

Som eit slektstreff

– Me byter ikkje ut dei beste spelarane på laget, seier Hoftun. – Vårdansen får alltid gode tilbakemeldingar på desse banda. Når dei kjem att år etter år, blir det litt som eit slektstreff, seier Hoftun.

Vestnorge har vore husband under kyrkjekonserten tre gonger tidlegare, her saman med systrene Heidi og Ingunn Granli i 2012. I år skal dei ha med seg Ingunn Granli og Malin Saue Johansen. (Arkivfoto)
Vestnorge har vore husband under kyrkjekonserten tre gonger tidlegare, her saman med systrene Heidi og Ingunn Granli i 2012. I år skal dei ha med seg Ingunn Granli og Malin Saue Johansen. (Arkivfoto)
Ingemars fekk folk i til å svinge seg i festivalteltet for to år sidan. (Arkivfoto)
Ingemars fekk folk i til å svinge seg i festivalteltet for to år sidan. (Arkivfoto)
Det var tett på dansegolvet då Ingemars stod på scena i 2012. (Arkivfoto)
Det var tett på dansegolvet då Ingemars stod på scena i 2012. (Arkivfoto)
I år lagar campingvert Magne Hoftun vårdans for tiande gong. (Arkivfoto)
I år lagar campingvert Magne Hoftun vårdans for tiande gong. (Arkivfoto)

Han reknar med det blir folkeliv og eit vakse publikum i glad-stemning. Han ventar 1500 tilreisande til campingplassen, i tillegg kjem det kanskje like mange hyttefolk.

– Me har aldri hatt slikt påtrykk. Det er fullt på alle hytter og campingareal. No er me på terskelen til å måtte ta i bruk hagen til mor mi for å få plass til dei siste vognene.

Sjølv om Hoftun ikkje byter ut «dei beste spelarane på laget», er det likevel rom for nokre nye namn på artistlista. Pia Pihlgrens frå Värmland er ikkje eit reindyrka danseband, men spelar countryinspirert dansemusikk. Svenskane gjestar Gol for fyrste gong. Torsdag skal Hanne Mette Band få opp temperaturen i teltet. Ho vann i vinter spelemannspris i dansebandklassen for albumet «Minner».

I år er også sjølve festivalen nominert til pris. Saman med fleire av dei største dansefestivalane i landet, er Vårdansen nominert som «årets arrangør» i Gullskoen. Tidsskriftet «De danseglade» deler ut prisen, men det er publikum som stemmer fram vinnaren gjennom ei folkerøysting på SMS.

KULTUR