Svidal beste spelemann
Gro Marie Svidal vann Landskappleiken klasse A hardingfele. I lausdans trekte Ådne Kolbjørnshus lengste strået.
Gro Marie Svidal frå Indre Sunnfjord spelemannslag tukta både Jan Beitohaugen Granli og Per Anders Buen Garnås i finalen i A-klasse hardingfele. Dermed kunne ho for fyrste gong reise heim som vinnar av Landskappleiken.
Gro Marie Svidal har ein andreplass som beste notering tidlegare.
Artikkelen held fram under annonsen.
Halling klasse A er ein annan prestisjefylt klasse. Der kvalifiserte tre dansarar seg til finalen: Ulf-Arne Johannessen, Torkjell Lunde Børsheim og Ådne Kolbjørnshus. Og det var 22-åringen Kolbjørnshus frå Vestre Slidre som scora høgast og vann klassen.
I hallingklassen var det fleire gode lokale resultat. Eirik Fuglesteg Luksengard, Ål vart nummer fire, Bjørnar Blaavarp Heimdal, Numedal nummer sju, Anders Aasberg, Geilo og Martin Myhr frå Torpo nummer åtte og Vetle Springgard, Ål nummer 11.
