Mange vil ha ysteboka
Boka er slett ikkje smal, heller tvert om. Men så inneheld den også meir enn ost.
«Ysting i Valdres» heiter praktverket om ysting og ystetradisjon som kom ut i fjor. Etter ei oppteljing har forfattaren kome fram til at 1300 bøker er selt allereie fyrste året. Totalt vart 4000 bøker trykt opp, men boka er tidlaus og svært så aktuell både for notid og framtid.
Ystebibel
På mange måtar er boka for eit smalt publikum. Men på grunn av dei mange fine historiene i tillegg til ysteoppskriftar, er boka ein oppleving for alle som er interessert i meir enn berre ost. Boka stiller og kritiske spørsmål kring nedlegging av lokalt meieri i nabodalen.
Artikkelen held fram under annonsen.
Innhaldsrik
Ystebibelen til Helge Gudheim kom ut 6. mai i fjor. Han fortel at alle utgifter var betalt etter eit halvt år.
– Eg håpar interessa for boka kan halde seg i åra framover også. Målet mitt er at eg skal sleppe å ha med meg bøker på gamleheimen, seier forfattaren.
Boka er særs innhaldsrik, noko dei tre kiloa per bok indikerer.
Merksemd
TV2-kokken Wenche Andersen kom til Valdres for å lage innslag om boka. Per A. Borglund i Aftenpostens Mat fra Norge uttala at «Boka er overveldende i enhver forstand.». Bjørn Gabrielsen i Dagens Næringsliv uttala: «Selv den mest laktoseintolerante må berre nikke i stum beundring over alt nedlagt arbeid.»
Boka representerer ystetradisjonane i Norge, med utgangspunkt i Valdres.
