27 timar langt datamaraton

Inviterer speleglade ungdommar i Numedal og Hallingdal til Lan-helg på Rødberg.

Ungdomsrådet i Nore og Uvdal og Grotta ungdomsklubb inviterer til ei helg med dataspeling i Rødberghallen 10. til 11. februar for ungdommar frå 14 år og oppover.

Kunne du tenkje deg å ta med det du treng av speleutstyr for ei annleis og sosial helg med jamaldrande, er det framleis ikkje for seint. Påmeldinga er utsett til 30. januar.

Det blir tilrettelagt med ei «stilleavdeling», der du kan lade batteria. I tillegg vil det vera vaksne vakter på plass og arrangementet er rusfritt.