Uroleg for auka smitte i sommar
Sommararrangement og auka pågang på serveringsstadene gjer at Folkehelseinstituttet uroar seg for lokale utbrot av koronaviruset.
Det viser den niande risikovurderinga som Folkehelseinstituttet (FHI) publiserte torsdag.
– Vi fryktar at massesmitte kan gi opphav til store lokale utbrot. Slike hendingar kan føre til forskjellar i utbreiinga i landet. Som tidlegare varsla er det nødvendig å følgje situasjonen nøye framover, no som vi opnar opp samfunnet, seier direktør Camilla Stoltenberg ved Folkehelseinstituttet.
Artikkelen held fram under annonsen.
Ho peikar på at sjølv om sannsynet og risikoen for spreiing i Noreg no blir vurdert som moderat, så må det planleggjast for ein ny nasjonal bølgje.
(©NPK)
