Mange må koke vatnet i Ål
Fleire husstandar i Ål var utan vatn i morgontimane onsdag.
Årsaka er ein vasslekkasje i området Myrovegen/Kroken og nedover mot Hallingdal feriepark.
Artikkelen held fram under annonsen.
Hallingdølen veit at folk var utan vatn både i sentrum og i Granhagen.
Ved 08.30-tida melde Ål kommune at alle abonnentar knytt til Sundre vassverk, og nokre med privat vassforsyning, bør koke vatnet for å vera sikker på ikkje å få i seg forureina vatn.
– Det er førebels ikkje mistanke om forureining, men kok vatnet for å vera sikker, skriv Ål kommune i ei melding til innbyggjarane.
Årsaka til kokevarselet er at leidningsnettet har vore utan trykk i ein periode. Kokevarselet gjeld inntil vidare.
– Går alt greitt vil me oppheve kokevarselet på fredag. Me tek no vassprøver for å sjå om det er god kvalitet framleis, opplyser Svein Furuhaug ved tekisk sektor i Ål kommune.
Ifølgje heimesidene til Ål kommune er arbeidet med utbetringane i gang, men dette vil ta noko tid.
