– Eg har ikkje opplevd maken til handtering av ei sak
– Det er det dårlegaste politiske handverket eg har sett nokon gong, sa Tore Dag Skjerdal.
Medan kritikken i Valdres mot Kommunerevisjon IKS har vore retta mot revisjonssjefÅge Sandsengen, har ordskiftet i Hallingdal dreia seg mykje om den kommunale saksgangen og saksbehandlinga.
– Saka er handtert veldig dårleg. Det er det dårlegaste politiske arbeidet eg har sett. Her er visst fleire uryddige folk, sa Skjerdal. Han sit i representantskapet for Gol kommune.
Artikkelen held fram under annonsen.
I møtet hevda han at pressa har vore i overkant kritisk til Sandsengen. Han såg svært alvorleg på dette, og fann grunn til å minne forsamlinga på Tore Tønne-saka. Ap-statsråden og næringslivsmannen tok sitt eige liv etter å ha vore utsett for hardt press og omfattande mediedekning kring ei kripos-etterforsking i 2002.
Gol-representanten var vidareoverraska over at Flå og Hol, ut av det blå, melde seg ut av Kommunerevisjon IKS.
Les også: Gol melder seg ikkje ut.
– Eg trudde saka var lagt død.
Overraska var også Per Kristian Aas, representantskapsmedlem frå Flå, der han har plass i kontrollutvalet.
– Eg fekk greie på at Flå hadde meld seg ut gjennom Hallingdølen, sa han. Det har vore ein ordførarstyrt prosess, bak lukka dører, utan å involvere kontrollutvala.
– Det har ikkje vore nokon saksbehandling verdig eit offentleg organ, sa også Asmund Wold, frå Etnedal.