Det er mykje vatn, men ingen kritisk situasjon
Vårflaumen har så langt ikkje gjort skader i Nore og Uvdal.
Det opplyser beredskapskoordinator Kai Redalen i Nore og Uvdal kommune til Hallingdølen.
Ifylgje Redalen er vasstanden i Lågen som normalt i vårløysinga.
Artikkelen held fram under annonsen.
– Rett nok er det ein del vatn ute på Uvdalsøyene, men ut over det har me merka lite til vårflaumen i hovudvassdraget, seier beredskapskoordinatoren.
Sideelevane og bekkene går store, men ikkje meir enn normalt for denne årstida.
– Heldigvis vart det mindre regn enn varsla natt til fredag. Det er heller ikkje meldt regn i helga. Me føler me har god kontroll på situasjonen, men vil sjølvsagt fylgje nøye med dei næraste dagane, opplyser Redalen.