Meir straumstøtte til næringslivet? – Framleis store utfordringar med dagens straumprisar
Det går truleg mot ein ny runde med kommunal straumstøtte til bedrifter i Hol.
I kommunestyret torsdag tok Henning Solhaug (H) opp temaet i ein interpellasjon.
– Norsk næringsliv har framleis store utfordringar med dagens straumprisar, sa han.
Artikkelen held fram under annonsen.
Høgre meiner kommunens auka kraftinntekter som ein følge av dei høge straumprisane siste året, gjer at kommunen kan støtte utsette delar av næringslivet.
Hol har som mange andre kommunar hatt straumstøtte i fleire rundar. No vil Høgre ha runde nummer fire for september, oktober, november og desember 2022.
– Me ber også om at det blir førebudd ei sak om kommunal tilskotsordning for hushald, sa Solhaug.
Høgre bad om ei sak til formannskapet 8. februar. Ordførar Petter Rukke (Ap) svara at straumstøtte til næringsliv og hushald blir sak i dette møtet.
