Brann ved tomannsbustad - årsaka er ikkje kjend

Torsdag kveld rykte nødetatane ut til ein brann utanfor ein tomannsbustad i Hemsedal.

Meldinga om brannen kom klokka 18.20. Brannen skal ha oppstått ute og har kome nær den ytre husveggen. Den var sløkt klokka 18.33 utan stor dramatikk.

Det skal ha blitt nokre skader på huset, mellom anna fordi brannvesenet måtte rive opp bordkledninga for å sikre at det ikkje ulma i veggen.

Årsaka til brannen er ikkje kjend, men politiet har utført avhøyr.