Senterpartiet vil styrke Forsvaret
Av Ål Senterparti v/ Tore Arnegard
Forsvarssak er fredssak. Difor er målet for Senterpartiet (Sp) sin forsvars- og tryggingspolitikk å hevda norsk suverenitet og sikra nasjonale interesser.
Artikkelen held fram under annonsen.
Sp er tilhengjar av eit folkeforsvar som er til stades i heile landet. Hovudoppgåva til Forsvaret er å trygga norsk territorium, norske suverene rettar og demokratiske styringsform. Noreg må ha eit nasjonalt og sjølvstendig forsvar med eigna kapasitetar på land, i luft og på sjø. Forsvaret må hevda norsk suverenitet, over territorium, naturressursar og sjølvsagt ved grensene.
Eit velfungerande heimevern er særleg eigna til å møta endringane i eit uoversiktleg trusselbilete. Dette krev at Heimevernet må vera landsdekkjande og desentralisert. For å styrke rekrutteringa vil Sp innføre HV-utdanning på seks månader. Vårt parti støttar «geografisk utskriving», slik at Heimevernet vert styrkt i heile landet.
Senterpartiet vil auke løyvingane til Forsvaret til 2 prosent av bruttonasjonalprodukt (BNP).
Dette er i tråd med våre forpliktingar gjennom North Atlantic Treaty Organization (NATO).
Med ynskje om eit godt stortingsval!
