Den beste felespelaren på Folkemusikkveka
Ottar Kåsa vann Fanitulltevlinga under Folkemusikkveka.
Felespelaren frå Telemark kan ta med seg både sølvpokal og 15.000 kroner heim frå Folkemusikkveka i Ål.
Laurdag kveld vart han kåra til festivalens aller beste spelemann, då han vann Fanitulltevlinga framfor Sivert Holmen og Jan Beitohaugen Granli.
Artikkelen held fram under annonsen.
Fanitulltevlinga er eit venskapleg kappspel på fele og hardingfele. Det var fyrst oppspel tidlegare på dagen, der det etterkvart vart plukka ut tre finalistar.
Det er Olav Thon som har gjeve pokal og prispengar på til saman 30.000 kroner til fremje av "spelemannskunsten".
Folkemusikkveka har gått av stabelen i strålande solskin i Ål i helga. Festivalen held fram sundag med folkemusikkgudsteneste, familiedag på museet og feletennis. Sistnemnde er eit samarbeid med villfisksamlinga som også har blitt arrangert i Ål i helga.
