Bjarne Syversen (75) frå Nes har si fyrste filmrolle i «Hoggeren» spelefilmdebuten til regissør Jorunn Myklebust Syversen. Her i samspel med Anders Baasmo Christiansen.
Bjarne Syversen (75) frå Nes har si fyrste filmrolle i «Hoggeren» spelefilmdebuten til regissør Jorunn Myklebust Syversen. Her i samspel med Anders Baasmo Christiansen. Foto: Frå filmen

75 år og filmdebutant

I april blir det glamour i Nesbyen når spelefilmen «Hoggeren» har kinopremiere.

Tor Folgerø
Publisert: 09.03.2017 18:07 Sist oppdatert: 19:14

Filmen er regissert av Jorunn Myklebust Syversen. Syversen voks opp i Gol og har røter i Nes. Filmen er spelt inn på «location» på familiegarden på Saupeset i Rukkedalen.

{{imageLeft}}{{imageLeft}}

Artikkelen held fram under annonsen.

Samspel med filmstjerne

Regissøren har plukka skodespelarar på øvste hylle. Anders Baasmo Christiansen og Benjamin Helstad står øvst på plakaten, men Syversen har også brukt slekta i sentrale roller. Onkel, tante og fetter har stilt opp som skodespelarar. Travkusk og hestetrenar Bjarne Syversen er onkel til regissøren. Han har sin spelefilmdebut som skodespelar i «Hoggeren». I filmen har 75-åringen fått rolla som onkelen til hovudrolleinnehavar Anders Baasmo Christiansen.

– Samspelet gjekk greitt. Det var som om me skulle spelt saman i mange år. Eg slapp å pugge replikkar, for replikkane vart improvisert fram. Baasmo Christiansen måtte berre ta imot det han fekk, seier Syversen.

– Stor interesse

Ein kort trailer er tilgjengeleg på youtube.com. Førebels er fullversjonen berre vist fram til bransjefolk og eit utval av landets kinosjefar. Produksjonsselskapet har alt booka inn på 20 kinoar frå Kristiansand i sør til Tromsø i nord som vil ha filmen, som har premiere 7. april.

Anders Baasmo Christiansen har hovudrolla i «Hoggeren». Han spelar ein bymann som reiser heim til familiebruket i Rukkedalen for å få skikk på livet.
Anders Baasmo Christiansen har hovudrolla i «Hoggeren». Han spelar ein bymann som reiser heim til familiebruket i Rukkedalen for å få skikk på livet. Foto: Frå filmen
Bjarne Syversen (75) frå Nes har si fyrste filmrolle i spelefilmdebuten til regissør Jorunn Myklebust Syversen. Her i samspel med Anders Baasmo Christiansen.
Bjarne Syversen (75) frå Nes har si fyrste filmrolle i spelefilmdebuten til regissør Jorunn Myklebust Syversen. Her i samspel med Anders Baasmo Christiansen.
Jorunn Myklebust Syversen.
Jorunn Myklebust Syversen. Foto: Mer Film AS

– Målet er at me skal få sett opp filmen i 30–50 byar. Det blir «Børning-storleik», men eg opplever at det er stor interesse for filmen, seier produsent Øistein Refseth i Mer Film.

Fekk skryt av fagfolk

Også Bjarne Syversen har fått sett resultatet. Det skjedde på ei lukka vising på Filmakademiet i Oslo.

– Eg fekk mykje skryt for skodespelet. Eg er imponert over det niesa mi, Jorunn, har fått til. Eg er ikkje sjølv i stand til å vurdere min eigen innsats, men det er sjølvsagt stas å få skryt av fagfolk, seier den aldrande travtrenaren.

– Det spørst om du må leggje ned stallen og starte som skodespelar?

– Nei, det er greiare å køyre hest, ler han.

KULTUR