Åsne Skrede (t.h.) vart nummer tre bak Marte Carlson Møller og Anne Bunemann De Besche laurdag.
Åsne Skrede (t.h.) vart nummer tre bak Marte Carlson Møller og Anne Bunemann De Besche laurdag. Foto: Magnus Lindahl

Skiskyting: Pallplassar på Liatoppen

Åsne Skrede leia sin klasse i Norgescupen då alt skulle avgjerast på Liatoppen.

I den avgjerande fellesstarten vart Geilo-løparen nummer tre bak Marte Carlson Møller frå Trysilgutten og Anne Bunemann De Besche frå Try i K19.

Dermed vart det andreplass i Norgescupen etter det som har vore nok ein god sesong. Klubbkamerat Filip Fjeld Andersen har hatt ein sesong med opp- og nedturar. Men etter eit langt skadeavbrekk kom han skikkeleg i siget mot slutten av sesongen. Laurdag gjekk han igjen godt og vart nummer to i klasse 20–21. Dei andre lokale løparane plasserte seg slik i Norgescupfinalen:

K17: Sigrid Haug Grønnerød (Ål skiskyttarlag) nummer 15.

K18: Mari Torsteinsrud (Ål) nummer 10 og Vilde Kverndal Veslegard (Ål) nummer 17.

K19: Mari Lindmo Kvanneberg (Ål) nummer 11.

K 20-21: Stina Brattegard (Ål) nummer 13.