Reserven leverte
Aleksander Fjeld Andersen gjekk ein god normaldistanse då EM i skiskyting starta tysdag.
Skiskyting: Geilingen var fyrst reserve, men fekk plassen i troppen då Sindre Pettersen vart sjuk og måtte stå over.
Tysdag stod han på start i Minsk . På eit seint startnummer gjekk geilingen eit godt løp.
Artikkelen held fram under annonsen.
Med 17 treff vart han til slutt nummer ti. I mål var han to minutt og 41 sekund etter Krasimir Anev (Bulgaria) som vart europameister.
Dei to andre løparane på pallen var norske. Tarjei Bø tok sølvmedaljen, medan tidlegare NTG-Geilo elev, Endre Strømsheim tok bronsemedaljen.
Torsdag står mix-stafettar på programmet for løparane. Aleksander Fjeld Andersen og Fredrik Gjesbakk går med Karoline Knotten og Karoline Erdal. I helga blir meisterskapen avslutta med sprint og jaktstartar.