Langrenn: Hallingar i norgestoppen

Langrennsjuniorane opna norgescupsesongen på Konnerud i helga.

Laurdag var det sprint for alle klassar, og sundag var det klassiskrenn. Fredag opna dei med fristilsrenn.

Artikkelen held fram under annonsen.

Marte Mikkelplass (Bromma) fekk med seg to gode distanseresultat og ein sprintkvartfinale i 17-årsklassen. Laurdag hadde ho 12. beste tid i prologen, og rauk ut i kvartfinalen på sprinten. Dagen etter tok ho ein imponerande femteplass på 7,5 km klassisk. Brommaløparen var eit minutt og femten sekund etter Emma Kirkeberg Mørk (Drammen). Ho vart nummer åtte på opningsdagen.

På 20 km klassisk vart Kristen Mikkelsplass (Bromma) vart nummer fem av 208 startande i m20/21. Brommaløparen var eitt minutt og fjorten sekund etter Håvard Moseby frå Kjelsås. I same klasse var klubbkamerat, Bjørnar Stensrud Tyribakken, nummer femten på sprinten dagen føre.

I 18-årsklassen hadde Kasper Andersson Herland (Hemsedal) 23. beste tid på prologen, men også for han vart det sprint-exit i kvartfinalen. Herland revansjerte det med ein trettandeplass på 15 kilometeren dagen etter. Då var han eitt minutt og 23 sekund etter vinnaren.