Desse tok KM-medaljar i langrenn
Brommaløparane hadde ei god helg i kretsmeisterskapen i langrenn.
Langrenn: I helga vart det kåra kretsmeistrar i samband med Ringkollrennet.
Laurdag var det fristilsrenn på programmet. Der gjorde fleire hallingar gode løp. I m19-20 år vart Bjørnar Stensrud Tyribakken kretsmeister.
Artikkelen held fram under annonsen.
Han vann 20 sekund føre Albert Sunde Øhlschlägel (Sjåstad/Vestre Lier).
På pallen
I 17-årsklassen vart Marte Mikkelsplass nummer to, halvminuttet etter vinnaren.
Kasper Andersson Herland gjekk eit godt løp i 18-årsklassen.
I mål var han berre fire sekund etter Martin Kirkeberg Mørk (Drammen). I seniorklassen vart Vegard Myklemyr (Bromma) nummer tre.
Går i NM
Kristen Mikkelsplass var fyrste herreløpar i distansecupen som ikkje vart teken ut til junior-VM i Lahti.
Etter solide renn i norgescupen på Konnerud tidlegare i januar ligg han på sjuandeplass i cupen. Dei ti beste får gå senior-NM i Meråker, som går denne veka. Mikkelsplass går difor opningsdistansen, 15 km klassisk torsdag. Sundag skal han også i aksjon, då går han stafett i lag med Vegard Myklemyr, Kristen Mikkelsplass og Bjørnar Stensrud Tyribakken.