Øystein Hagel Pedersen har starta bilforretning på Geilo, over 20 år etter at han slutta.
Øystein Hagel Pedersen har starta bilforretning på Geilo, over 20 år etter at han slutta.

Tilbake i bilbransjen

Øystein Hagel Pedersen har starta bilforretning på Geilo og sel Kia, Jeep og BMW. Det er ei underavdeling av Glitre Bil på Gol.

Publisert: 03.03.2014 00:00 Sist oppdatert: 16.02.2017 15:29

Over 20 år etter at han slutta som bilforhandlar på Geilo og flytta til Kristiansand er Hagel Pedersen tilbake i same bransje.

Kia, Jeep og BMW

– Ringen er slutta. Eg trivst fantastisk godt på Geilo og Hallingdal og blir halling på mine gamle dagar, seier Hagel Pedersen.

Artikkelen held fram under annonsen.

For vel ei veke sidan opna han bilforretning i gamlebygget til Elektroservice. Der skal han selja Kia, Jeep og bruktimportert BMW.

– Det er behov og marknad for ei bilforretning til på Geilo. Dette er ei underavdeling av Glitre Bil som eg kjem til å ha nært samarbeid med. Hovudavdelinga på Gol tek seg blant anna av all service, seier han.

Startar forsiktig

Hagel Pedersen kjenner bilbransjen i Hallingdal og Geilo svært godt. I over 20 år jobba han som bilseljar, fyrst på Ål og seinare på Geilo der han dreiv både bilforretning og bensinstasjon (Texaco).

Øystein Hagel Pedersen trur Kia Sportage med firehjulstrekk vil slå godt an blant fastbuande og hyttefolk på Geilo.
Øystein Hagel Pedersen trur Kia Sportage med firehjulstrekk vil slå godt an blant fastbuande og hyttefolk på Geilo.

Dei 20 siste åra har han budd i Kristiansand og jobba i mange ulike bransjar. No er han tilbake på Geilo og i bilbransjen.

– Eg startar forsiktig og tek steg for steg. Eg har ikkje utstillingslokale og berre fire-fem bilar inne. På sikt er målet å koma inn i større lokale og utvide, seier han.

Det er ikkje tilfeldig at han satsar på Kia, Jeep og BMW.

– Bilar med firehjulstrekk passar godt i fjellet. Marknaden er stor både blant fastbuande og turistar, seier Øystein Hagel Pedersen.

NYHEITER