Snøskred i Hemsedal – ingen sakna
Klokka 10:38 melde politiet at det hadde gått eit snøskred i Grøndalen i Hemsedal.
Skredet gjekk i området Slettenose/Tuftenose, og det vart straks slått alarm med tanke på at det kunne vera folk i skredet. Både luftambulansen med Seaking og Norske Redningshunder vart varsla.
Ein time seinare hadde det vore mannskap i helikopter over skredområdet. Dei kunne då slå fast at det ikkje var skispor inn i skredområdet. Ein reknar difor med at det ikkje er sannsynleg at det er personar i snømassane.