Såpeglatt veg - tankbilvelt og utforkøyringar

Glatte vegar fører til problem onsdag morgon.

På Rv7, på toppen av Meieakkane i Mogrenda i Hol, har ein tankbil velta. Trafikken passerer, men det går seint.

Det blir meldt om såpeglatte vegar, og problem fleire stader.

Politiet melder ved 08.30-tida at tankbilsjåføren har kome frå ulykka utan store skader. Han blir køyrd til legevakt for sjekk.

Arbeidet med å berge tankbilen er i gang.

Trailerar blir stoppa

I botnen av Meiebakkane blir trailerar stoppa på grunn av det glatte føret. Vidare vestover, i Kvislabakkane, brukar det bli problem når vegane blir glatte.

To utforkøyringar

Også på Rv7 på Rotneim er det trøbbel. Der har ein bil sklidd av vegen. Helseekspressen stoppa og fekk sjekka sjåføren. Vedkomande er uskadd.

Politiet melder at trafikken flyt fint forbi staden, men at det er glatt på vegen.

Litt seinare melder politiet at ein bil til har sklidd av vegen i same området.