Hytte brann ned til grunnen
Hytta stod ikkje til å redde då flammane tok overhand onsdag morgon.
Det var klokka 08 onsdag morgon at politiet melde om at ei hytte på Tunhovdåsen er overtent. Hytta låg på grensa mellom kommunane Nes og Nore og Uvdal.
Då nødetatane kom til staden like etter vart det tidleg klart at det ikkje var mogleg å berge hytta. Ho var fullstendig overtent.
Artikkelen held fram under annonsen.
Politiet fekk kontakt med hytteeigaren på telefon, og fekk slått fast at det ikkje var folk i hytta då det tok til å brenne.
- Årsaka til brannen er ikkje klar, fortel Hallingdølens journalist på staden.
