annonse

Godkjent comeback for Pål Golberg

Pål Golberg
Pål Golberg: Pål Golberg er tilbake i verdscupen. Han kom seg til semifinalen sprinten i Dresden laudrag. (Foto: Mona N. Stensvold)

Etter sjukdom og lang opptrening er Pål Golberg tilbake i verdscupen.

Embrik Luksengard

I sprinten i Dresden laurdag synte Golberg at han blir å rekne med framover.

Han kom seg til semifinalen, men der vart han slått ut.

Fin posisjon

Etter ein god prolog som gavl 6. beste tid, var Golberg i ein fin posisjon. I kvartfinalen gjekk det også bra. Han vann heatet etter at Pellegrino frå Italia vart diska.

I semifinalen gjekk Golberg blant anna mot Sindre Bjørnestad Skar. Medan Golberg heldt seg bak var Skar med i teten gjennom store delar av sprinten.

Men i spurten kom ikkje Golberg seg heilt i posisjon. Det enda med femteplass etter fotofinish. Dermed var Golberg slått ut. Skar vart nummer to.

Seinare vann Skar sprintfinalen.

Positiv erfaring

Golberg har likevel god grunn til å vera fornøgd. Det var også dei som følgde løpet til golingen.

- Eg trur dette er ei positiv erfaring for Golberg, sa NRK-kommentatorane etter løpet.

Sjukdom

Pål Golberg fekk kyssesjuka i vår og vart sett kraftig tilbake.

I heile haust og på førjulsvinteren har han måbevisst trena seg tilbake til toppen. Denne helga er comebacket hans i verdscupen.

annonse