Illustrasjonsbilete: Lege Jørn Ingve Tømmerstrand testar potensielle koronasmitta ved Ål legevakt i førre veke. Foto: Elias Dahlen

Første tilfelle av koronasmitte påvist i Flå: — Me har kontroll

Flå stod lenge med null positive koronaprøver, men no har ein person fått påvist viruset. I alt er 25 personar testa.

– Me har eit positivt tilfelle per no. Fordelen er at denne personen har vore ute og reist, og kom rett heim i karantene. Det er altså ikkje snakk om smittespreiing, seier kommuneoverlege i Flå, Cecilie Rød Medbøen.

Personen som no er smitta, hadde vore i Østerrike.

22 i karantene

I alt er 25 personar testa for korona i Flå. Onsdag morgon hadde Medbøen fått svar på alle, og alle bortsett frå denne eine var negative.

– Akkurat no har me tilsynelatande god kontroll på alt, og god oversikt. Men me er inne i ei uviss tid, ingen veit kva som ventar oss, seier ho.

Vil du lese fleire nyheiter om koronaviruset? Sjå vår samleside her

Det er per i dag 22 personar som sit i karantene i kommunen.

– Me har hyppig kontakt med dei, og oppmuntrar dei til å berre halde ut, fortel Medbøen.

Ei fløy for smitta

I og med at det har vore svært få smittetilfelle så langt i Flå, har kommunen hatt god tid til å førebu seg på det som eventuelt kjem.

– Me har sett av ei eiga fløy på Flåheimen der me har moglegheit til å ta imot smitta om dei blir så sjuke at dei treng oppfølging. Der har me ein kapasitet på åtte senger, seier Medbøen.

Les også
Sparebank 1 Hallingdal Valdres senkar renta omgåande
Les også
Hytteforbodet skal gjelde gjennom påska: - Trist, men nødvendig
Les også
- Dette er vårt bidrag til litt positivitet i all negativiteten