Flå: To til sjukehus etter ulykke
Like før klokka 12.30 fredag melde politiet om ei trafikkulykke på Rv7 ved Gulsvik i Flå.
Både ein bil, lastebil og mc skulle vera involvert i ulykka. Då nødetatane kom til staden såg dei at ulykka ikkje var så alvorleg som ein kunne frykte. Luftambulansen vart dermed beden om å snu.
To personar vart sendt til sjukehus, dei var førarar av mc og personbil.
Artikkelen held fram under annonsen.
Ulykka skjedde ifølgje Politiet i Sør-Øst då ein personbil bremsa og vart påkøyrt bakfrå av ein lastebil. Bak der igjen kom ein mc og køyrde inn i lastebilen.
Rv7 var lenge heilt stengt på staden, men klokka 13.30 var eit køyrefelt opna og trafikken vart dirigert manuelt forbi. Klokka 14 var Rv7 heilt open att.