Gol har fått bekrefta to smittetilfelle, men har full kontroll over situasjonen. Foto: Ragnar Hilde

Fekk to nye smittetilfelle: – Dei har gjort alt rett

To personar i Gol er smitta av koronaviruset. Begge har sete i karantene og dermed unngått vidare smitte.

– Dei har gjort alt rett, seier kommuneoverlege Jagannivasan Thurainayagam.

Gol fekk dei to positive testane onsdag. Personane som no er bekrefta smitta, vart testa eit døgn tidlegare.

– Det er kjent smittekjelde, utanfor kommunen, fortel Thurainayagam.

Dei to positive har vore i kontakt med ein annan person som også har testa positivt. Dei hamna først i ventekarantene, deretter gjekk dei rett over i nærkontakt-karantene.

– Det er ryddige forhold, og dette har heilt klart hindra vidare smitte. Me har god oversikt, seier Thurainayagam.

Les også
Meiningsmåling: Tommelen ned for Viken
Les også
Leveringstid på bremsekloss: 622 dagar
Les også
Ordensforstyrring, knuffing og mange mindreårige på fest