Desse seks bedriftene kan vinne Næringsprisen - kven meiner du fortener å vinne?

Ein jury har vald ut seks kandidatar som kan vinne årets næringspris i Hallingdal. No kan du stemme på din favoritt.

Næringsprisen blir delt ut under Hallingdalskonferansen kvart år. I år skjer det måndag 29. august.

I 2023 var det Tid kafe og landhandel som vann. Året før kåra juryen VINN Hallingdal AS til vinnar. Kven får prisen i år?

Viktig for lokalsamfunnet

I fjor valde arrangørane at ei publikumsavstemming på Hallingdølen sine nettsider skulle telje halvparten av vurderinga. Slik blir det også i år.

Etter at alle kunne nominere verdige kandidatar tidleg på sommaren, har arrangøren kome fram til ei liste med seks ulike kandidatar: Hallingdal Lyd, Hallingplast, Himmelspannet, Reine Element, Sparebank 1 Hallingdal Valdres og Sundbrei Transport.

Hallingdølen kjem i løpet av den kommande veka til å presentere alle kandidatane, ein etter ein.

Slik gjer du det:

Næringsprisen har vorte delt ut kvart år sidan 2014. Både små og store bedrifter har fått prisen, som utover heider og ære også betyr prispengar på 30 000 kroner.

I vindauget under kan du stemme på din favoritt til å vinne prisen. I fjor vart det gjort endringar for å unngå «kampanjeavstemming», og det er difor berre lov å stemme ein gong i løpet av heile perioden.

online polls

Kriterium for prisen

Ein av dei som sit i juryen er Elin Kaafjeld frå NHO Oslo og Viken. Ho fortel kvifor dei deler ut næringsprisen.

– For lokalsamfunn er evna til å skape arbeidsplassar og verdiskaping enormt viktig. For å synleggjere og løfte lokale verksemder som gjer ein formidabel innsats, deler vi ut denne prisen.

Vinnaren av Næringsprisen blir vurdert etter følgjande kriterium:

* Lokalisert i Hallingdal

* Kan vise til vekst og lønsemd

* Viser evne til nyskaping

* Tar i bruk ny teknologi, løysningar eller forretningsmodellar som bidrar til den grøne omstillinga

* Bidrar positivt til samfunnet rundt seg

* Har et positivt omdømme i Hallingdal

Siste frist er 18. august.