Syversen nominert til fem Amanda-prisar
Filmen Disco av Jorunn Myklebust Syversen har fått fem Amanda-nominasjonar.
Onsdag vart nominasjonen kjent. Filmen til Myklebust Syversens er nominert i klassane Beste regi, Beste foto, Beste skodespelar, Beste lyddesign og Beste maske/sminke.
Disco, Barn og Håp
I klassen Beste regi konkurrerer Jorunn Myklebust Syversen med Dag Johan Haugerud for Barn og Maria Sødahl for Håp.
Artikkelen held fram under annonsen.
Dei same tre filmane er representert i klassen Beste kvinnelege skodespelar. Her er Josefine Frida nominert for rolla som Mirjam i Disco. Dei to andre nominerte er Henriette Steenstrup for Barn og Andrea Bræin Hovig for Håp.
I klassen lyddesign er det Svein-Ketil Bjøntegård og Johan Rasmus Pram som er nominert for Disco. i klassen maske/sminke er det teamet bak Disco, ved Jorunn Myklebust Syversen.
Marius Matzow Gulbrandsen er nominert i klassen Bste foto for filminga av Disco.
Frå Gol
Syversen voks opp på Gol og står bak fleire suksess-filmar. Deriblant Hoggeren som vart spelt inn i Rukkedalen i Nesbyen. Disco handlar om den 19 år gamle dansaren Mirjam som veks opp frikyrkjemiljøet Friheten.
Den nasjonale filmprisen Amanda blir delt ut for 36. gong fredag 14. august i Festiviteten i Haugesund.