Desse festivalane får støtte frå Kulturrådet
Kulturrådet gjev økonomisk støtte til to musikkfestivalar i Hallingdal.
Folkemusikkveka i Ål får 800.000 kroner i statleg støtte i 2019 og 850.000 kroner i 2020.
Den andre aktøren som får pengar frå Kulturrådet er Fauskivalen i Hemsedal. Der blir det løyvd 150.000 kroner i 2019.
Artikkelen held fram under annonsen.
Begge festivalane hadde søkt om litt meir enn dei fekk. Folkemusikkveka søkte om 1.000.000 kr, Fauskivalen 180.000 kr.
Kulturrådet fordelte i alt 230 millionar kroner til musikkfestivalar over heile landet fordelt på dei to åra. 158 små og store festivalar får støtte.
Andre festivalar i Buskerud som får pengar frå denne potten er:
* Drammen Sacred Music Festival 200.000 (2019)
* Glogerfestspillene 600.000 (2019)
* Johan Halvorsen Musikkfest 250.000 (2019)
* Kongsberg Jazzfestival 2.600.000 (2019) og 2.800.000 (2020)
