Hurra for Håvard Bøkko og Norge!
Håvard Bøkko og Norge tok gull i lagtempo. Dermed er det blitt to gull til Hallingdal så langt under OL i Pyeongchang .
Det var nervepirrande å følgje det norske laget med Sverre Lunde Pedersen, Simen Spieler Nilsen og Håvard Bøkko gå mot Sør-Korea i finalen i lagtempo. Laga bytte gjennom heile løpet på å leie, men på slutten kom Norge for fullt.
Den norske trioen knuste Sør-Korea med ein sterk avslutning, 1,20 sekund framfor Sør-Korea. Tida blei 3.37,32, såvidt bak den olympiske rekorden frå semifinalen. Dette var også det fyrste laggullet til Norge i OL.
Artikkelen held fram under annonsen.
Landslagssjef Sondre Skarli som gir seg som landslagssjef etter denne sesongen, jubla som ein villmann då gullet var sikra. Men aller mest glad var truleg Håvard Bøkko. Endeleg fekk han sitt velfortente OL-gull. Dette var hans 14. OL-øving i karrieren. Bronsemedaljen frå 1500 meteren under OL i Vancouver i 2010 var hans einaste medalje før dagens løp.
Semifinalen
I semifinalen slo det norske laget storfavoritten Nederland og sette ny olympisk rekord med 3,37,08.
Norge anført av Sverre Lunde Pedersen tok kommandoen frå start og leia klart etter tre rundar. Men så sette Sven Kramer inn femtegiret nokre rundar og drog Patrick Roest og Jan Blokhuijsen tilbake i finalekampen. Då det stod att tre rundar, låg laga likt. Så sette Norge fram Lunde Pedersen dei tre siste rundane. Og då var det ingen tvil. Norge knuste til slutt Nederland og møtter dermed Sør-Korea i finalen.
Nederland tok OL-bronsen etter å ha slått New Zealand.
