Golberg inne i varmen
Pål Golberg får fornya tillit av forbundet etter OL-finalen i Pyeongchang.
Langrenn: Det vart klart då landslaga i langrenn var presentert måndag ettermiddag.
Det meste handla om Petter Northug under presentasjonen av dei nye laga, men Golberg fekk fornya tillit av leiinga.
Artikkelen held fram under annonsen.
Han fekk oppfylt ønsket om ein ny sesong på sprintlandslaget. Der får han selskap av Petter Northug, Johannes Høsflot Klæbo, Sondre Turvoll Fossli, Eirik Brandsdal, Sindre Bjørnestad Skar og Finn Hågen Krogh.
Høge forventningar
– Pål fekk ein barnesjukdom midt i sesongen, men hadde fantastiske resultat. Han er ein mann for 15 km klassisk, teamsprint og vanleg sprint, og ein mann me har store forventningar til, sa landslagssjef Vidar Løfshus under presentasjonen.
Golberg hadde fleire solide prestasjonar i fjor, med OL-finale som eit høgdepunkt. For to veker sidan tok han NM-sølv på 10 km klassisk i Alta, og stadfesta at han også har kapasitet på distanse.
Håpa på plass
Etter ein sesong ute, var Pål Golberg tilbake på landslaget før OL-sesongen.
Der hadde han håp om å halde fram før uttaket vart gjort.
– Om dei ikkje legg ned sprintlandslaget, så bør eg vere med der neste år. Når du blir nummer fire i den konkurransen alle vil gjere det bra i, så håpar eg det er nok til å få vere med. Eg syns det har gått bra i vinter ut frå dei føresetnadene eg hadde og slik sesongen utvikla seg, sa Golberg på tampen av verdscupsesongen.
Sprint, menn:
Eirik Brandsdal, Kjelsås IL
Pål Golberg, Gol IL
Sindre Bjørnestad Skar, Bærums Verk og Hauger IF
Sondre Turvoll Fossli, Hokksund IL
Petter Northug jr., Strindheim IL
Johannes Høsflot Klæbo, Byåsen IL
Finn Hågen Krogh, Tverrelvdalen IL
Menn, allround:
Martin Johnsrud Sundby, Røa IL
Niklas Dyrhaug, Tydal IL
Sjur Røthe, Voss IL
Hans Christer Holund, Lyn Ski
Didrik Tønseth, Byåsen IL
Emil Iversen, IL Varden Meråker
Simen Hegstad Krüger, Lyn Ski
Kvinner, elite:
Therese Johaug, IL Nansen
Ingvild Flugstad Østberg, Gjøvik Skiklubb
Maiken Caspersen Falla, Gjerdrum IL
Astrid Uhrenholdt Jacobsen, IL Heming
Heidi Weng, IL BUL
Kathrine Harsem, IL Varden Meråker
Ragnhild Haga, Åsen IL
Kari Øyre Slind, Oppdal IL
Tiril Udnes Weng, Nes SKI
Mari Eide, Øystre Slidre IL