Lars Christian Vold vann Isklar Norseman Xtreme Triathlon 2017, med vinnartid for fyrste gong under 10 timar.
Lars Christian Vold vann Isklar Norseman Xtreme Triathlon 2017, med vinnartid for fyrste gong under 10 timar.

Brukte snaue ti timar på årets Norseman

Det vart norsk siger i Norseman, triatlonen med start i Eidfjord og målpassering på Gaustatoppen i Tinn.

Lars Christian Vold vann konkurransen på tida 9:52:10. Han var 13 minutt raskare enn nummer to, Allan Hovda, også han frå Norge. Amerikanske Jordan Rapp kom på tredjeplass.

Norseman er ein ekstremvariant av triatlon. Starten foregår ute i Hardangerfjorden, med 3,8 km svømming inn mot land i Eidfjord. Deretter er det å ta sykkelen fatt, opp Måbødalen, over Hardangervidda, vidare til Dagali og Uvdal, over Imingfjell og til Austbygde i Tinn, ei strekning på 180 km. Siste etappen på 42,2 km var å springe frå Austbygde til toppen av Gaustatoppen.

Artikkelen held fram under annonsen.

Triatlonen vart arrangert laurdag, og 250 deltakarar fekk sjansen til å måle krefter. Desse var blant dei heldige utvalde, for heile 3600 hadde meldt seg på.