Vellykka NM-fest på Ørteren

130 kitarar var med på ein tre dagars NM-fest. Bjørn Kaupang tok tre gull.

Kite-NM på Haugastøl vart vellykka både sportsleg og sosialt. Alle konkurransane vart gjennomført som planlagt under fyrsteklasses forhold.

- Det er sjeldan me har så flotte forhold tre dagar etter kvarandre. Så dette var fullklaff, oppsummerer Bjørn Kaupang.

Han var vert og medarrangør saman med Oslo kiteklubb. Han var ikkje snauare enn at han gjorde reint bord og vann både freestyle, langdistanse og kitecross.

- Langdistanse og cross er nye kitedisiplinar i NM. Det var fyrste gongen eg konkurrerte i begge, og det gav meirsmak, seier trippelvinnaren.

Hardaste konkurrent var Terje Halstensgård. Han vart nummer to både i cross og freestyle.

– Det var moro å få så hard konkurranse av ein kamerat frå Geilo, seier Kaupang.

Valeri Bertrand frå Geilo tok to gull og ein sølv i dameklassen.

Freestyle:

Snowboard menn: 1. Remi Meum. 2. Andreas Toverud. 3. Andre Natland

Ski menn: 1. Bjørn Kaupang. 2. Terje Halsteinsgård. 3. Lars L’abee. Lund

Kvinner: 1. Marta Fretheim. 2. Valerie Bertrand. 3. Caroline Onarheim

Kitecross:

Snowboard menn: 1. Remi Meum. 2. Andre Natland. 3. Marius Coucheron

Ski menn: 1. Bjørn Kaupang. 2. Terje Halsteinsgård. 3. Tor Espen Lynum.

Snowboard kvinner: 1. Caroline Onarheim. 2. Marta Fretheim. 3. Andrea Gjørtz.

Ski kvinner: 1. Valerie Bertrand.

Langdistanse:

Ski menn: 1. Bjørn Kaupang. 2. Lars L’abee Lund. 3. Joacim Wille.

Snowboard menn: 1. Marius Coucheron. 2. Jørn Hauge.

Kvinner: 1. Valerie Bertrand. 2. Caroline Onarheim. 3. Carola Sommervåg.