Tapte bronsefinalen

Håvard Bøkko og Norge tapte bronsefinalen mot Nederland - og fekk fjerdeplass.

Håvard Bøkko, Henrik Christiansen og Mikael Flygind Larsen måtte nøye seg med fjerdeplass etter bronsefinalen i lagtempo laurdag kveld.

Nederlendarane reiste fort frå i bronsefinalen, men etter ei tid tok det norske laget noko inn att.

Til slutt vann Nederland bronsefinalen med ei tid 0,55 sekund raskare enn Norge.

Nederland, med Kramer i spissen, sette ny olympisk rekord. Det norske laget gjekk òg raskere enn den førre olympiske rekorden.

Canada slo USA i finalen.

Fredag kveld greidde det norske lagtempolaget så vidt å slå Korea med tre hundredelar i kvartfinalen i OL.

Seinare på kvelden tapte dei i semifinalen mot Canada, og skulle dermed gå bronsefinale laurdag kveld - mot Nederland.