Til topps i tre FIS-renn

Tonje Sekse (17) frå Geilo har vunne tre FIS-renn på like mange dagar.

Geilo-alpinisten og NTG-elev Tonje Sekse er i storform for tida.

Laurdag og sundag vann Sekse to FIS-renn i storslalåm på Norefjell.

Der tok dei jamgamle klubbkameratane Ida Cathinka Guse og Jonas Brun Larson kvar sin tredje- og fjerdeplass.

Måndag og tysdag denne veka arrangerte Ål Alpin FIS-renn i super-G og superkombinasjonen super-G/slalåm i Ål Skisenter for begge kjønn med godt over 100 deltakarar.

Også på Ål vart det topplassering til Tonje Sekse i kombinasjonen.

I tillegg vart ho nummer tre i fyrste super-G-rennet.

Ida Cathinka Guse køyrde inn til to sjetteplassar.

Beste lokale herrealpinist i Ål skisenter vart Jonas Brun Larson med åttandeplass i kombinasjonen som beste plassering i konkurranse med over 70 deltakarar.