Hallingdolen

Reportasje

Bli med på elvesnorkling

Bli med på elvesnorkling

Me hoppa i elva Hemsila og kom på bølgelengde med auren.

Sindre Thoresen Lønnes - Pingvinar I tronge våtdrakter vaggar Lars Lind (t.v.), Charles Svensson, Caroline Methi-Svensson og Rune Abrahamsen ned mot elva.

Pingvinar: I tronge våtdrakter vaggar Lars Lind (t.v.), Charles Svensson, Caroline Methi-Svensson og Rune Abrahamsen ned mot elva.Foto: Sindre Thoresen Lønnes

HO SLYNGER SEG MELLOM hytter og hotell, under alpinbakkar og forbi butikkar. Ho er ein del av dagleglivet, litervis med vatn som konstant renn forbi. Men kva skjuler seg under overflata i Hemsila?

– Me får garantert sjå aure, seier Rune Abrahamsen i Hemsedal Fjellsport.

Han er guiden vår og har akkurat kledd oss i 14 millimeter med neopren. Våtdraktene sit som limt på kroppen. Flytevest, dykkarmaske og snorkel har me også fått. Som pingvinar på land vaggar me nedover ned til elva.

Sindre Thoresen Lønnes - Over og under Grøne plantar duvar opp og ned i elva.

Over og under: Grøne plantar duvar opp og ned i elva.Foto: Sindre Thoresen Lønnes

EG TRUDDE eg hadde vore overalt i Hemsedal. På dei høgaste toppane, i dei brattaste bakkane, på afterski, på hyttetur, på sykkeltur. Men det som ventar no er ei heilt ny oppleving.

– Dette er den andre turen vår i elva på ei veke, smiler Caroline Methi-Svensson.

Saman med faren Charles Svensson er ho alt ein erfaren elvesnorklar. No er dei klare for ein ny tur ut i straumen.

– Det var ei veldig artig oppleving. Så kvifor ikkje gjere det ein gong til, seier faren.

Dei har leilegheit i skisenteret og er i Hemsedal fleire veker kvart år, også om sommaren.

Sindre Thoresen Lønnes - Små skuggar Det er ikkje lett å få teke gode bilete av auren. Men her er eit bevis på at dei var der.

Små skuggar: Det er ikkje lett å få teke gode bilete av auren. Men her er eit bevis på at dei var der.Foto: Sindre Thoresen Lønnes

ME SIG NED i ein liten kulp. Det iskalde vatnet trenger inn i våtdrakta. Kroppen kjempar i mot.

– Det er kaldt ei lita stund, før det blir varmt att, forsikrar guiden.

Hemsila held 11 grader denne dagen. Etter nokre minutt med tilvenning er me klare.

– Sist var det masse fisk rett her under fossen, seier Abrahamsen og peiker mot kvite brusande skumtoppar.

Sindre Thoresen Lønnes - Samling Rune Abrahamsen (t.v.), Caroline Methi-Svensson og Charles Svensson gjer seg klare til neste utfordring.

Samling: Rune Abrahamsen (t.v.), Caroline Methi-Svensson og Charles Svensson gjer seg klare til neste utfordring.Foto: Sindre Thoresen Lønnes

DET BULDRAR RUNDT i øyra i det første, vesle stryket. Ein etter ein dukkar me ned med hovudet, og det tek ikkje lang tid før me får auge på nokre små aurar som sym roleg mot botnen. Sikta er overraskande god. Vatnet er glasklart. Det er moro å oppleve elvas kraft frå fiskens perspektiv.

Safarien startar ved brua nedanfor skisenteret og endar opp ved Skogstad bru i sentrum. På vegen møter du på mange små utfordringar. Nokre stader er det så grunt at du må reise deg opp og gå.

– Når det har vore lite regn, blir vasstanden ganske låg, forklarar Rune Abrahamsen.

Se dette bildet i full størrelse
Sindre Thoresen Lønnes - Djupdykk Under vassflata skjuler det seg ei ukjend verd.

Djupdykk: Under vassflata skjuler det seg ei ukjend verd.Foto: Sindre Thoresen Lønnes

Se dette bildet i full størrelse
Sindre Thoresen Lønnes - Utstyr Snorkel og dykkemaske.

Utstyr: Snorkel og dykkemaske.Foto: Sindre Thoresen Lønnes

ANDRE STADER er straumen så sterk at du ikkje har noko anna val enn å la vatnet føre deg av stad.

– Hald hendene fram! Slik! Då kan de ta dykk for om det kjem ein stein imot, instruerer guiden.

Det er aldri skummelt, berre spennande, når du møter på eit lite stryk og blir spytta ut på den andre sida. Våtdrakta hjelper oss med å flyte godt i vatnet, i tillegg gjev ho bra isolasjon og polstring. Flytevesten i signalfarger er lett synleg og vernar mot slag og skarp stein.

Brått blir elva djupare. Silhuettar av små og mellomstore aurar seglar forbi på alle kantar.

Sindre Thoresen Lønnes - På med maska Caroline Methi-Svensson og faren Charles Svensson er på sin andre tur i Hemsila.

På med maska: Caroline Methi-Svensson og faren Charles Svensson er på sin andre tur i Hemsila.Foto: Sindre Thoresen Lønnes

MED EITT skimtar eg ein større skugge heilt nede mot botnen og jublar inn i snorkelen. Når eg tittar opp, skjønar eg at dei andre også har sett han.

– Godt over ein kilo, trur svenske Lars Lind.

Det er ei magisk verd. Snakk om å vera i eitt med naturen! Grøne og brune algar duvar opp og ned i straumen. Over hovuda våre passerer kvite campingvogner i sakte film. Etter nesten to timar i elva nærmar me oss slutten.

– Kven tør hoppe frå brua? undrar guiden.

Me tek sats og seier farvel til auren med eit skikkeleg plask. 

Se dette bildet i full størrelse
Sindre Thoresen Lønnes - Grunt Somme stader er det så grunt at ein må reise seg for å gå.

Grunt: Somme stader er det så grunt at ein må reise seg for å gå.Foto: Sindre Thoresen Lønnes

Se dette bildet i full størrelse
Sindre Thoresen Lønnes - På beina Sko av neopren med godt grep.

På beina: Sko av neopren med godt grep.Foto: Sindre Thoresen Lønnes

Sindre Thoresen Lønnes - På kroppen Våtdrakter held deltakarane varme i det kalde vatnet.

På kroppen: Våtdrakter held deltakarane varme i det kalde vatnet.Foto: Sindre Thoresen Lønnes

Sindre Thoresen Lønnes - Plask Turen blir avslutta med eit hopp frå Skogstad bru i sentrum.

Plask: Turen blir avslutta med eit hopp frå Skogstad bru i sentrum.Foto: Sindre Thoresen Lønnes

Sindre Thoresen Lønnes - Hopp Me tok sats og hoppa i elva.

Hopp: Me tok sats og hoppa i elva.Foto: Sindre Thoresen Lønnes

Sindre Thoresen Lønnes - Guide Rune Abrahamsen frå Hemsedal Fjellsport forklarar korleis ein skal liggje i vatnet for å støyte bort frå store steinar.

Guide: Rune Abrahamsen frå Hemsedal Fjellsport forklarar korleis ein skal liggje i vatnet for å støyte bort frå store steinar.Foto: Sindre Thoresen Lønnes

Sindre Thoresen Lønnes - Kvil I dei rolege delane av elva blir det tid for ein pause.

Kvil: I dei rolege delane av elva blir det tid for ein pause.Foto: Sindre Thoresen Lønnes

Sindre Thoresen Lønnes - Over/under Å dra på besøk i auren sitt rike er spesielt. Her kan ein sjå fisken boltre seg i friskt fjellvatn.

Over/under: Å dra på besøk i auren sitt rike er spesielt. Her kan ein sjå fisken boltre seg i friskt fjellvatn.Foto: Sindre Thoresen Lønnes

Sindre Thoresen Lønnes - På jobb Rune Abrahamsen har guida turistar ned Hemsila i mange år.

På jobb: Rune Abrahamsen har guida turistar ned Hemsila i mange år.Foto: Sindre Thoresen Lønnes

Sindre Thoresen Lønnes - På vakt Guide Rune Abrahamsen følgjer med når deltakarane susar ut i stryket.

På vakt: Guide Rune Abrahamsen følgjer med når deltakarane susar ut i stryket.Foto: Sindre Thoresen Lønnes

Sindre Thoresen Lønnes - Tett på elementa Ein kjenner seg verkeleg i eitt med naturen når ein flyt nedover elva.

Tett på elementa: Ein kjenner seg verkeleg i eitt med naturen når ein flyt nedover elva.Foto: Sindre Thoresen Lønnes

Sindre Thoresen Lønnes - Fin flyt Jakta på storauren.

Fin flyt: Jakta på storauren.Foto: Sindre Thoresen Lønnes

Sindre Thoresen Lønnes - Oversikt Rune Abrahamsen følgjer med når deltakarane kastar seg utfor stryket.

Oversikt: Rune Abrahamsen følgjer med når deltakarane kastar seg utfor stryket.Foto: Sindre Thoresen Lønnes

Sindre Thoresen Lønnes - Foss Krafta frå vassmassane lagar bobler under overflata.

Foss: Krafta frå vassmassane lagar bobler under overflata.Foto: Sindre Thoresen Lønnes

Sindre Thoresen Lønnes - Konsentrert Kor har auren gøymd seg?

Konsentrert: Kor har auren gøymd seg?Foto: Sindre Thoresen Lønnes

Sindre Thoresen Lønnes - Aktive Caroline Methi-Svensson og faren Charles Svensson på sin andre tur i Hemsila.

Aktive: Caroline Methi-Svensson og faren Charles Svensson på sin andre tur i Hemsila.Foto: Sindre Thoresen Lønnes

Sindre Thoresen Lønnes - Søppel i elva Svenske Lars Lind ryddar opp undervegs.

Søppel i elva: Svenske Lars Lind ryddar opp undervegs.Foto: Sindre Thoresen Lønnes