Vind stoppar ikkje Skarverennet
I år gjeld det å ha med ekstra klede i ryggsekken. for skarverennsdeltakarane.
Det er mykje snø og kjempeforhold i løypa mellom Finse og Ustaoset.
Men i år må løparane førebu seg på eit friskare ver.
Artikkelen held fram under annonsen.
Yr.no melder om liten kuling om morgonen laurdag som aukar til stiv kuling ut på dagen.
- Ifølgje Meteorologisk Institutt som me har vore i kontakt med torsdag blir det 10-12 sekundmeter vind. Eg er ikkje redd for veret. Det blir skirenn, seier leiar i organisasjonskomiteen, Jarle Uthus.
12.200 skiløparar gjer seg klare til å gå dei 37 kilometrane frå Finse til Ustaoset. I tillegg til to kortare alternativ frå Haugastøl. Dei må førebu seg på ein friskare tur enn det vanlegvis har vore. For Skarverennet har stort sett vore bada i fint ver.
- Det gjeld å ta med seg vindtette klede. Ingen slepp ut i fjellet i dårlege klede, seier Uthus.
- Blir det sett i gang ekstra tryggingstiltak?
- Me følgjer sikkerheitsplanen som er lagt. Det blir renn og full fart, seier Jarle Uthus.