Tapte ankesak i arvestrid
Finansforvaltar Jan Petter Sissener tapte ankesaka i ein arvestrid om Sissener-familien sin hytteeigedom på Hardangervidda.
Det erDagens Næringsliv(DN) som opplyser at Jan Petter Sissener tapte ankesaka om familieeigedommen Rundhovda på Hardangervidda i lagmannsretten.
Tapte ankesak
Arvestriden dreiar seg om forkjøpsretten til ein 500 mål stor fjelleigedom på Hardangervidda i Nore og Uvdal.
Artikkelen held fram under annonsen.
Ifølgje DN saksøkte finansinvestor Jan Petter Sissener dottera til fetteren sin for å få forkjøpsretten på den store og verdifulle hytte- og jakteigedommen.
Då saka var oppe i Sandefjord tingrett i mars i fjor, fekk ikkje Sissener medhald i sitt krav.
Han valde seinare å anke saka. No er anka forkasta av Agder lagmannsrett, opplyser Dagens Næringsliv.
– Vurderer dommen
Jakteigedommen som arvestriden dreier seg om, har vore eigd av familien Sissener i over 100 år.
Jan Petter Sissener hevdar ifølgje DN at overføringa av eigedommen frå bestefar hans, Wilhelm Sissener, til dottera til fetteren hans, utløyste forkjøpsretten. Det blir vist til eit gåvebrev frå 1967 der det blir slått fast at eigedommen vart gitt som forskot på arv til to av sønene.
Sissener sin advokat, Rasmus Asbjørnsen, seier til DN at konsekvensane av dommen no blir vurdert.
– Me meiner at lagmannsretten har vurdert denne saka feil og vil vurdere kva for konsekvensar dette bør få, seier Asbjørnsen til avisa.
