To bilar kolliderte vest for innkøyringa til Torpomoen fredag morgon.
To bilar kolliderte vest for innkøyringa til Torpomoen fredag morgon.

Snurra og kolliderte

To bilar var involvert i ei trafikkulukke vest for innkøyrsla til Torpomoen fredag morgon.

Ulukka skjedde litt før klokka 8 fredag morgon. Politiet har ein patrulje på staden som opplyser at to bilar er involvert og at det er svært glatt på ulukkesstaden.

– Den eine bilen mista kontrollen, snurra rundt og kom over i feil køyrefelt. Eg får opplyst at tre personar er sendt til legesjekk på Ål, men det er ingen alvorleg personskade. Det var låg fart under samanstøyten. Det er svært glatt og svært vanskelege køyreforhold, seier seksjonsleiar og politioverbetjent Jan Koldal.

Artikkelen held fram under annonsen.

Han opplyser at bilbergar er på staden.

– Det er opent i eitt løp. Og eg reknar med at det er fri ferdsel om kort tid, sa han til Hallingdølen ved 8.30-tida.