Slik såg campingvogna til Hans-Johan Breidablik ut då han henta vogna si 15. mai frå Rjukandefoss Camping I Hemsedal
Slik såg campingvogna til Hans-Johan Breidablik ut då han henta vogna si 15. mai frå Rjukandefoss Camping I Hemsedal

Sel campingvogna etter hærverk

Kven var ute med spraymåling på Rjukandefoss camping i Hemsedal natt til 7. mai?

– Vogna vart fullstendig tilgrisa. Eg har lagt ho ut for sal, seier Hans-Johan Breidablik. Men prisen blir neppe høg. Vogna vart tagga ned natt til 7. mai. Planen var å hente vogna heim frå Rjukandefoss Camping på Tuv i Hemsedal til Førde 1. mai, men på grunn av eit øydelagt lys vart hentinga utsett. Natt til 7. mai vart ho offer for vandalar med sprayboksar.

Campingplasseigar Ole Johnny Ødegård er oppgitt over ugjerninga. Han har meld saka til politiet, men reknar ikkje med det blir så lett å klare opp i.

Artikkelen held fram under annonsen.

– Det er så omfattande at det må ha vore fleire, seier han. I tillegg til den private vogna har ein gamal kiosk og ein container fått ein omgang. Rjukandefoss Camping ligg tett ved Rv52.

– Mest truleg har det skjedd nattetid.

– Er det nokon signatur på «kunstverka»?

Slik såg campingvogna til Hans-Johan Breidablik ut på baksida
Slik såg campingvogna til Hans-Johan Breidablik ut på baksida

– Det står «russ 18», og i såfall er dei tidleg ute, seier Ødegård.

I tillegg kan ein lese «The Ark», «KNX» og «Orøy».

Breidablik vedgår at campingvogna kunne gått som kunst.

– Ein skulle nesten tatt vare på ho som kunst, men det er litt mykje. Eg la ho ut for sal for 5000. Interessa har vore ganske stor så no er det ein slags bodrunde, seier han.