Sakna i fjellet - funnen i god behald
Det vart torsdag kveld sett i gang ein stor leiteaksjon i Nesfjellet. Fredag morgon vart mannen funnen i god behald.
Det vart i heile natt til fredag leita etter ein 77 år gammal mann som gjekk seg vill under sauesanking torsdag.
– Han er godt kledd og me har hatt kontakt med han, opplyste innsatsleiar i politiet, Tom Richard Jansen seint torsdag kveld.
Artikkelen held fram under annonsen.
Han leia aksjonen frå Røde Kors-huset i Nesbyen. Store mannskap vart mobilisert torsdag kveld. Mannskap frå Røde Kors Hjelpekorps frå fleire korps i Hallingdal var ute i terrenget og leita saman med ekvipasjar frå Norske Redningshunder. Det vart leita i eit område i Nes Nordmark på grensa mellom Nes og Ål.
Fredag morgon klokka 06.50 vart mannen funnen av eit Seaking-helikopter. Ifølgje politiet var mannen oppegåande og i fin form, men noko kald.