Personbil mot lastebil
Ein person vart lettare skadd etter ei trafikkulukke ved Solseter på Golsfjellet.
I 07.30-tida tysdag morgon kolliderte ein personbil og ein lastebil like nord for Solseter på Fv51 på Golsfjellet.
– Det var ein person i kvart køyretøy. Den kvinnelege føraren av personbilen vart lettare skadd. Begge airbagane vart løyst ut av smellen. Føraren av lastebilen var uskadd, men sjølvsagt rysta av hendinga, opplyser operasjonssentralen i Sør-Øst politidistrikt.
Artikkelen held fram under annonsen.
– Kollisjonen skapte litt kø. Men klokka 08.45 melde patruljen at dei var ferdige på staden. Området var rydda og at begge bilførarane var avhøyrt.