Marta Maria Espeseth (dagleg leiar Frelsesarmeen Hallingdal) viser fram planane for utbygging av Frelsesarmeen si base på Gol. Langs gruskanten rundt huset skal den nye yttermuren på bygningen gå.
Marta Maria Espeseth (dagleg leiar Frelsesarmeen Hallingdal) viser fram planane for utbygging av Frelsesarmeen si base på Gol. Langs gruskanten rundt huset skal den nye yttermuren på bygningen gå.

Meir plass for Frelsesarmeen

Frelsesarméhuset på Gol blir bygd ut. Innan 1. november kjem arealet til å vere nær dobla.

– Huset me har i dag, er gamalt og lite. Det svarar ikkje til drifta Frelsesarmeen i Hallingdal har. Utbygginga som no er i gong, har vore planlagt i to år, fortel Marta Maria Espeseth.

Nesten dobling

Espeseth er dagleg leiar i Frelsesarmeen Hallingdal. Ho fortel om store planar for det nye frelsesarméhuset som til hausten vil stå klart på Gol. Utbygginga er alt i gong.

Artikkelen held fram under annonsen.

– I dag har me rundt 120 kvadratmeter, og me bygger på hundre nye. Målet er å leggje betre til rette for alle som er involvert i Frelsesarmeen sitt arbeid. Å få betre arbeidshøve gjennom å få meir plass, seier ho.

Oppgradering

Fleire av frelsesarméprosjekta som i dag alt er i full sving, vil kunne bli enno betre når det nye fleirbruksbygget står klart, trur Espeseth.

– Me kjem til å få eit romsleg og moderne kjøkken. Det blir ikkje lenger nødvendig å ha frysarane me brukar i samband med matleveringa vår i fleire ulike rom. Me kjem og til å få ein større forsamlingssal og ei generelt betre planløysing inne i huset, seier ho.

Forsamlingssalen i Frelsesarmeen sitt hus på Gol er eitt av romma som vil bli større etter utbygginga. Innan 1. november skal arealet på huset bli nær dobla.
Forsamlingssalen i Frelsesarmeen sitt hus på Gol er eitt av romma som vil bli større etter utbygginga. Innan 1. november skal arealet på huset bli nær dobla.
Marta Maria Espeseth i Frelsesarmeen Hallingdal.
Marta Maria Espeseth i Frelsesarmeen Hallingdal.
Fasadeskisse av nybygget til Frelsesarmeen på Gol.
Fasadeskisse av nybygget til Frelsesarmeen på Gol.

Oppmodar til å gi

Utbygginga vil til saman koste 4,8 millionar kroner. 1 million har Frelsesarmeen Hallingdal sjølv spart opp gjennom nær 20 år. 2,8 millionar blir finansiert gjennom Frelsesarmeen sentralt. Når det gjeldt den siste millionen, set Espeseth si lit til næringslivet i Hallingdal. Ein innsamlingsstafett blir i desse dagar sett i gong.

– Eg vil oppmode folk, både i næringslivet og elles, om å gi så mykje dei berre klarar. Frelsesarmeen har aktivitetar i alle hallingdalskommunane, og me stiller opp for menneske som treng oss, seier ho.

– Kor viktig kjem det nye bygget til å bli for Frelsesarmeen her i dalen?

– Det blir ei ny verd for oss.