Kjempa serieleiaren i senk
Damelaget til HFK berga plassen i andredivisjon.
Det vart ein festkveld for HFK-damene onsdag. Ikkje berre gjorde dei jobben og vann mot serieleiar Hønefoss, men då Kongsvinger 2 tapte sin kamp, kunne damelaget endeleg feire at plassen i andre divisjon er berga.
Det var spenning til siste minutt. Då det var att 15 minutt av kampen stod det framleis 1-1 mellom HFK og Hønefoss på Hallingmo. Men då dei lokale damene klarte å skåre to mål på tampen, var sigeren eit faktum.
Artikkelen held fram under annonsen.
Ein imponerande innsatssiger mot topplaget Hønefoss, som er den klare vinnaren av avdelinga.
Plassen i andredivisjon var på ingen måte berga før i kveld. Etter at HFK-damene gjekk påeit bittert tap i Østfold sist helg, var det duka for to spennande omgangar på Gol. Men damene gjorde jobben, og kan feire at dei stiller i andredivisjon også neste år.