annonse

I klem under gaffeltruck

Arbeidsulukke
Arbeidsulukke: Ein mann i 40-åra er skadd i ei arbeidsulukke ved Bergsjø høyfjellsleiligheter. (Foto: Arkiv)

Ein mann har blitt skadd i ei arbeidsulukke ved Bergsjø i Ål.

Tor Folgerø

Politiet fekk melding om ulukka litt før klokka 16 tysdag ettermiddag. Mannen blir frakta til sjukehus i ambulanse. Skadeomfanget er førebels uvisst.

– Det er ein arbeidar som har kome i klem under ein gaffeltruck. Naudetatane er på staden no. Mannen skal vere frigjort, seier operasjonsleiar i Sør-Øst politidistrikt i Tønsberg til Hallingdølen i 17-tida.

Politiet opplyser at den skadde er ein mann født på 1970-talet og som er heimehøyrande i Gol. Han jobba med utbygging og renovering ved Bergsjøstølen høyfjellsleiligheter.