På grunn av kraftig vind har abonnentar vore utan straum i løpet av onsdag kveld og natt til torsdag.
På grunn av kraftig vind har abonnentar vore utan straum i løpet av onsdag kveld og natt til torsdag.

Fleire mista straumen

Kraftig vind førte til fleire straumbrot i Ål og Gol.

Uvêret som har råka Vestlandet har også vorte merka i Hallingdal.

Det var særleg seint onsdag kveld og natt til torsdag vinden tok tak. Den kraftige vinden førte til straumbrot i Ål og Gol, melder Hallingdal Kraftnett:

Artikkelen held fram under annonsen.

* Klokka 23.12 onsdag kveld var det eit utfall på strekninga Gullhagen-Torpo-Trillhus, Liagardane og Oppheim. Klokka 23.55 melde Hallingdal Kraftnett at nesten alle kundane hadde fått tilbake straumen. Unntaket var området mellom Leikvollsvingen og Vesledal på Torpo. Men også her var straumen tilbake innan kort tid.

* Torsdag morgon var det utfall på delar av Golsfjellet aust på strekninga Snodalen-Klanten-Oset.

Begge stader var trefall årsaka. På Torpo fall ei tre over høgspentlina, men det på Golsfjellet var trefall ved Rust. Nettsjef i Hallingdal Kraftnett, Øystein Velure, seier det på det meste har vore 500 abonnentar utan straum. Men det var berre i ein kort periode på ti minutt.

– No skal alt vere tilbake, seier Velure torsdag morgon.