Prisar til Moslåtten og Isungset

Arne Moslåtten og Terje Isungset stakk av med to av åtte Edvard-prisar.

Del denne saka

Facebook

Digg

Arne Moslåtten frå Ål fekk pris i klassen tekst til musikk i 2008 for "Spissrotgang".

FOTO: Bernt Ivar Bergum

Relaterte artiklar

Isungset får skryt for ismusikk

Det er Tono som gjev ut Edvard-prisane. Tono forvaltar komponistar, tekstforfattarar og musikkforleggarar sine rettigheiter i musikklivet. Då prisane for 2007 og 2008 vart delt ut i Operaen torsdag kveld var to hallingar blant prisvinnarane.

Arne Moslåtten frå Ål fekk pris i klassen tekst til musikk i 2008 for "Spissrotgang". Dette er den ferskaste plateutgjevinga til Hellbillies.

Terje Isungset frå Geilo fekk prisen i open klasse for 2007 for plata "Igloo".

Edvard-prisen består av eit trofé signert Bruno Oldani og 50.000 kroner.

Prisane vart delt ut i samband med at Tono fyller 80 år.

Bjørn Eidsvåg vant Edvard-prisen for teksten til "Floden" i 2007. Anne Grete Preus fekk for populærmusikk i 2008 for plata "Om igjen for første gang".
Andre prisvinnarar var Asbjørn Schaathun i klassen for samtidsmusikk 2007 med "Double Portrait", Rolf Wallin i klassen samtidsmusikk 2008 for "Strange News", Gaute Storaas for populærmusikk 2007 for musikken til TV-serien om redningsskøyta Elias. Prisen i open klasse 2007 gjekk til Alfred Janson for "En bibelhistorie".