"Heidi" fall ved Strandafjorden

Måndag ettermiddag vart den radiomerkte gaupa Heidi felt i lia ovanfor Thunegardane ved Strandafjorden i Ål.

Ei veke etter at årets gaupejakt starta datt den fyrste i Hallingdal.

Gaupejaktlaget i øvre Hallingdal har vore på sporet etter den radiomerkte gaupa Heidi i to dagar.

Sundag vart ho oppdaga i elvejuvet ved Votna, nederst i Votndalen.

I løpet av sundagen trekte ho vestover mot Øvre-Ål. Måndag fann gaupejegerane spor etter gaupa ved Bakketeigen.

Ved 16.30-tida vart Heidi skoten i lia ovanfor Thunegardane ved Strandafjorden i Ål.

Det var rundt 25 gaupejegerar med på årets fyrste gaupefall i Hallingdal. Skyttar var vossingen Nils Een.

Gaupejegerane kan felle tre gauper til i Hallingdal.