Ny utdanning i reiseliv

Startar eit fireårig utdanningsløp som gjev både fagbrev og studiekompetanse.

Hovudutvalet for utdanningssektoren vedtok tysdag eit 4-årig utdanningsløp med fagbrev og studiekompetanse innan reiseliv.

Studietilbodet føreset at mange nok søkjer, men vil då bli ein del av tilbodet på både Gol og Ål vidaregåande skular allereie frå hausten.

Målet med det nye utdanningstilbodet er å auke interessa for faget, auke samarbeidet mellom dei to vidaregåande skulane i Ål og Gol, og å hindre fråfall.

Elevar i heile fylket kan søkje seg til det nye tilbodet.

Reiselivsutdanninga er både ei fagutdanning og gjev studiekompetanse, noko ein meiner vil auke etterspørselen etter faget.