Elg storma inn på sjukeheim

Etter å ha vore låst inne på eit pasientrom vart elgen skoten.

Del denne saka

Facebook

Digg

Ein elg braut seg inn på Ål bu- og behandlingssenter. Han vart skoten av Audun Steinkjer i viltnemnda.

FOTO: Sigmund Krøvel-Velle

Audun Steinkjer i viltnemnda gjer seg klar til å skyte elgen.

FOTO: Embrik Rudningen

Det er ikkje fyrste gongen helsevesenet i Ål opplever nærgåande elg. I februar 2007 hoppa denne elgkua utfor eit rekkeverk og var liggjande daud utanfor inngangsdøra til legekontoret i Ål. Heldigvis vart ingen treft av den flygande elgen.

FOTO: Kjersti Elverum Kvile

Relaterte artiklar

Elg byksa inn glaset på sjukeheim

SJÅ VIDEO FRÅ ELGDRAMAET

Elgkua knuste og hoppa inn gjennom eit glas på Ål bu- og behandlingssenter klokka ni onsdag morgon.

Der spaserte han over gangen og inn på eit anna rom.

SJÅ BILDESERIE

Ei forskrekka dame som var på rommet kom seg ut for eiga maskin.

Personalet kom til, og small igjen døra.

Avdelingsleiar Tone Fossgård Berg ila til med nøkkel og fekk låst elgen inne.

- Me visste jo ikkje kor solid døra var, seier ho.

Det neste dei gjorde var å evakuere dei seks bebuarane i den aktuelle korridoren.

Elgen vart ståande på rommet, mens viltnemnd og politi vurderte om han skulle skytast.

Folk vart evakuerte frå heile området, før skot kunne losnast. Elgen vart skoten like før klokka 10.30.

Skyttaren var Audun Steinkjer i Ål viltnemnd. Han var tydeleg letta dramaet var over, og elgen på veg ut.

- Du råka godt?

- Ja, eg hadde berre eitt forsøk på denna, seier Steinkjer.

- Me er veldig glade for at ingen personar vart skadde då elgen braut seg inn, seier innsatsleiar Odd Halvard Seterdal ved Ål lensmannskontor.

Allereie i 11-tida hadde det roa seg på sjukeheimen. Nytt glas var på veg, og vaskinga var i gang. Bebuarar og tilsette klarar seg godt.